ضيفه الاسبوع الثالث في كرسي الاعتراف (زهرة البنفسج)

هلا عشوقه مشكورة حبيبتي على اسئلتك


هواياتي : القراءة


طموحاتي : اصير وزيره تربيه وتعليم


لوني المفضل : ازرق


مشكورة خيتو تعالي كل يوم

هلا عاشقه القمر الحمد لله انا بخير

والله كرسي الاعتراف منيح مابو شي

من هو افضل صديق في حياتك : هي صديقه الي بالمدرسه

اسمها الاء

ايش اكتر شي بتحبيه : بحب اقرء كتب

كيف عرفتي منتدى دمار الحب : عاشقه المستحيل دلتنا عليه وشكرا الها كتير

لما بتعصبي شو بتسوي : والله بصراحه ببلش اصرخ عشان افش
غلي


عضو دمه خفيف : والله الصراحه كل اعضاء ومشرفين دمار الحب دمهم خفيف وبيجننو

عضو دمه ثقيل : لا يوجد


مشكورة على اسئلتك اختي عاشقه القمر

وهلا فيك اكتر خيو

لا تقل دمك عادي خيو ولو بتنورنا

اتعس يوم يوم في حياتي لما اجانا خبر انو اخوي انسجن

كم مصروفك بالشهر : هو انا كل يوم باخد يعني مجموعي بالشهر بيكون 60 شيكل بس

اخر مرة بكيت فيها لمالما اغلى معلمه عندي انتقلت لمدرسه تانيه

ابن القدس خيو انت على راسي من فوق وكل الناس خير وبركه

انا حابه اكون صديقه الكل ويا ريت تتقبلو صداقتي


مشكور على مرورك

منورررررررررررة الكرسي

الي رجعة مش راح تنفدي مني

ههههههههههه

ههههههههههههههههههه


ولو الحب المستحيل بتشرفي ايمتا ما بدك

وعليكم السلام

يسلمو خيو القلب الفلسطيني على مرورك

ما هي الاشياء التي ندمتي عليها في حياتك : والله بصراحه

ندمت على اني في يوم من الايام شفت حقي عم يضيع وما

حكيت شي ولا دافعت عن حالي وتعلمت بعد هالمرة اني ادافع عن حقي

احلى كلمه بحبها في حياتي هي الله يرضى عليكي من امي وابوي

والله الصراحه انا اعجبت بكل مواضيع المنتدى لانها مميزة كتير

حكمتي بالحياه هي : ان لم تكن ذئب اكلتك الذئاب

وكمان الي حكمه تانيه : من سره زمن سائته ازمان

والله ابتسامتي دايما على وجهي الحمد لله وبضحك بوجه الكل ان كان عدو ولا صديق

ومشكور جدا اخي القلب الفلسطيني على مرورك

هلا حبيبتي الحب المستحيل منورة

ماذا تعني لكي الكلمات التاليه :

العاطفه : والله انا برائيي انو بدون عاطفه وحب وحنان الانسان ما بقدر يعيش واجمل موقف بتتجله فيها هاي الكلمه انا بشوف عطف امي وابوي علي وحنانهم الي ما بعوضو بالدنيا

الرحمه : الرحمه هاي صفه انا ما بتخلى عنها شو ما صار
لاني بعرف انو الله سبحانه وتعالى رحمان رحيم وهاك لازم يكون كل انسان

العقلانيه : اهم شي بالانسان يعني لازم يكون فاهم لكل شي بحكي وواعي عليه ولازم ما يكون متعجل بالمرة لانو في التاني السلامه في العجله الندامه ويمكن هادي الصفه اجت بمكانها اليوم لاني اليوم اعرفت قيمه هاي الصفه الي عندي اياها لانو اليوم لما استلمت شهاده المدرسه كان في غلط في حساب المعدل عندي بس ما استعجلت وصبرت ونولت الاحسن والحمد لله


2: كم صديقه اثق فيها والله بصراحه كل صاحباتي بثق فيهم بس مو كلهم بقدر احكيلهم اسراري يعني في الي صديقتين بثق فيهم كتير وبكون مستعده أئمنهم على حياتي


3: اكثر موقف محرج حصلي بالمدرسه ههههههههههه والله في كتير مواقف بس اكترهم كنت محرجه فيه كتير وخايفه هو
لما كانت عنا حفله لذكرى موت الرئيس ياسر وقعدت احكي كلمه اله على الاذاعه وكانت المديره واقفه فوق راسي وانا ماسكه الورقه وبرج رج من الاحراج


4: اكتر كتب بحب اقرئهم هم كتب الكتاب والشعراء الي من فلسطين زي محمود درويش ونجيب محفوظ وفدوى طوقان وابراهيم طوقان واووووووو كتير في

5: انا كان نفسي ازور السعوديه وائدي فيها العمره او الحج باذن الله

6: اعرفته من عاشقه المستحيل صاحبه اختي وهي الي سجلتني وشكرا الها كتير

7: الي عجبني بالمنتدى انو في مواضيع كتيرة وشامله كل شي وطبعا الاعضاء والمشرفين الحلوين

8 : والله بصراحه ما بتفرق عندي المهم اشرب كولا شو ما يكون نوعها

9: هلاء بزعل منك شو متقله علي لك تعالي كل يوم بتنورينا ولو

10: والله لا ما حبيت لسه لساتني صغيره على الحب خليني مريحه راسي شوي

11 : اقرب انسان الي بشوفو صاحبتي الي ما بتخلى عنها بالمدرسه

12 : احم احم والله المهم يكون عندو عقل ودين وما يكون عصبي كتير

13 : احلامي اووووووووووه شو بدي اعد لاعد بس عندي حلم واحد مهم اكتير اني اشوف فلسطين بلدي متحرره من الظلم هاد وادخل القدس واصلي بالاقصى

14 : امممممممممممممممم مره مرتين تلات اربعه استني اعدهم والله شكلي ما رح اخلص عد بس بصراحه يعني مرات كتير اوقات بتمر علي بحس حالي صفر على الشمال يعني ما الي لازمه

15 : انا بصراحه دمعتي بسرعه بتنزل ما بقدر احبسها لو شو ما صار بس اكتر شي خلاني ابكي ولهلاء بخليني ابكي لما اتزكر اخوي الي بسجن

16 : هههههههههههههههه حسستيني اني ملكه وما حدا قدي
بس والله حلوه القعده عليه بس لو في كاسه شاي او عصير انبل ريقنا فيها

17: امممممممممممممممممممم ما عندي تلفون اصلا بس بحكي من تلفون الدار بس اطول مكالمه حكيتها لما اتصلت على معلمتي

18 : عيوبي انا هي عيبه ويا ريت اغيرها هي اني ما بقدر احبس دموعي وبسرعه بدمع سواء بالفرحه او بالحزن

19 : اخوتي الشباب 5 والبنات 4 وانا اخر العنقود يعني اخر وحده نمره تسعه

20 : والله بحكو انو حلو وما بنعاش من دونه بس انا عندي حب امي وابوي احلى حب بالدنيا كلها ودخيلكو ما بدي غيرو

وانشاء الله اكون جاوبت منيح وانجحت بالامتحان هههههههههههههه

تعالي كل يوم ولو

مشكورة على اسئلتك الحلوة زيك

مشكورين على اسئلتكم وما تحكو انكم بتغلبوني ولو والحب المستحيل صحيح اتعبت وانا اجاوب على الاسئلة بس والله انبسطت انو في حد سال


كلكم مشكورين على اسئلتكم

اهلا وسهلا خيي يحيى رح ابلش ارد على اسئلتك ونبدا الان بسم الله :

1 : اقرب عضو بالمنتدى هو عاشقه المستحيل لاني بعرفها وبتعرفني

2 : والله لو بدي احكي العضو المميز ما بحكي عضو واحد ولا اتنين لانو ما شاء الله كل اعضاء ومشرفين المنتدى مميزين

3 : الحلم الي ما حققته لسه لهلاء هو اني ازور السعوديه وانشاء الله رح احققه عن قريب

4: هدفي بالحياه هو اني اصل لمرتبه كبيره من التعليم
وانجحك بحياتي العلميه والعمليه باذن الله

5 : بحس بالحزن لما اقعد مع حالي واصفن بالدنيا وعجايبها

6 : كاتم اسراري سبق ذكرته هي صاحبتي بالمدرسه

7 : ايش بتعنيلك الكلمات :

الحب : انا حكيت قبل انا عندي حب امي وابوي احلى واجمل واروع حب بالحياه

الحياه : امتحان واختبار ومعرفه صبر وصمود وتحمل الانسان فيها

البحر : قمه الروعه وبمثلي بالسكون والهدوء وراحه النفس

الحزن : شي لا بد منه كل فرحه الا ليقابلها حزن وكل بسمه بتقابلها دمعه

الفرح : حب الحياه وشعور جميل جدا لا يوصف


8 : متى اخر دمعه نزلت الي : بصراحه امبارح لما استلمت الشهاده بس كانت دمعه فرح الحمد لله


9 : موقف محرج صارلي : والله في مواقف كتير بس بصراحه انا هلاء ناسي كل شي

10 : سؤال بتمنى حدا يسئلني اياه امممممممممممموالله سؤال محير بس بصراحه بدي هلاء حدا يسئلني بدك تيجي تتغدي معي ولا لا ههههههههههههه والله يا ريت حدا يسئلني هلاء هاد السؤال لاني لسه ما تغديت


مشكور خيو على اسئلتك الحلوة

وبتمنى اكون جاوبت متل ما بتحب

هلا عشوقه اهلا وسهلا فيكي وفي اسئلتك

وانا رح ابلش الرد بسم الله :

1 : افضل قسم وافضل موضوع والكاتب : والله انا حكيت ورح اضل احكي انو كل مواضيع ومشرفين واعضار دمار الحب حلوين كتير بس بحب افوت على المواضيع العامه بغض النظر عن الكاتب


2 : العضو هو انتي عشوقه لاني بعرفك اكتر شي ولانك ما بتزعلي مني على ما اظن صح


3 : خمس وردات بس ما بعرفك بخيله هاك ههههههههههههههه والله لو في اكتر كان اعطيت لكل الاعضاء بس شونعمل هاي عشوقه ما بدها تعطيني الا خمسه بس

طيب اول ورده لاحلى عشوقه الك يعني

تاني ورده امممممممم للحب المستحيل

تالت ورده امممممممممممممممم لابو شمس بمناسبه الخطوبه

رابع ورده لاسير الحب

خامس ورده لعاشقه القمر

لا تزعلو مني بقيه الاعضاء والله انتو ما بينعز عنكو شي بس شو نعمل المطلوب خمسه بس


والله انا بحب اشارك بكل المواضيع


احلى نكته اسمعتها : انو مره واحد احول راح يستقبل ابو بالمطار قام بوس الشناتي وحمل ابو هههههههههههههههه


مشكورة عشوقه على اسئلتك الحلوه متلك واهلا وسهلا فيكي باي وقت البيت بيتك ولو قصدي المنتدى هههههههههههه

هلا خيو اسير الحب مشكور على اسئلتك وبسم الله نبدا الرد :

1 : احب الاكلات اممممممممممممممممم مصممين تعشموني يعني طيب احلى الاكلات عندي هي المعكرونه وورق الدوالي والمقلوبه ممممممممممممممممممممممممم والله لو تيجو للصراحه كل شي بحبو


2 : قال تعالى (( قل لو كان البحر مدادا لكلمات ربي لنفذ البحر قبل ان تنفذ كلمات ربي ولو جئنا بمثله مددا )) صدق الله العظيم ( سورة الكهف )


3 : والله بصراحه اول ما بجذب انتباهي للشخص هو احترامه لنفسه لانو ازا كان الواحد بحترم نفسه وما بسمح لحالو يعمل شي غلط فهاد الشي بدفع الي حوليه انو يحترمو ويحبو


4 : والله اكتر شاعر بحبو هو محمود درويش رحمه الله والو قصيده بحبها كتير مرة اسمعتها من معلمتي وحفظت جزء منها وبصراحه مو متزكرة اسمها بس في جزء منها بحب اذكره :


اصوات احبابي تشق الريح تقتحم الحصون

يا امنا انتظري امام الباب انا عائدون
ماذا طبختي لنا فانا عائدون

نهبوا خوابي الزيت يا امي واكياس الطحين

هاتي بقول الحقل

هاتي العشب

انا عائدووووووووووووووووووون




5 : ابعد شي عن الواقع في نظري الحب خيال كبير زي ما بحكو


6 : اااااااااااااه انشاء الله ما يصير لاني ما بتوقع شو رح يصيرلي لما اعرف انو اعز الناس عندي كزاب عن جد رح تكون الي صدمه كبيره كتير



والله بصراحه اسئلتك كانو كتير صعبات بس انا جاوبت الي بعتبرو صح بنظري


مشكور على سؤالك ومرورك

هلا والله فيكم وفي اسئلتكم وبسم الله فلنبدا الردود :

هلا خيو يحي منور انت واسئلتك بسم الله :

1 : مشروبك المفضل : امممممممممممم الكولا

2 : امنيه تمنيتها وتحققت : والله امنيتي الي تمنيتها وتحققتلي ولساتها عم تحقق اني اخد مركز الاولى بالمدرسه والحمد لله تحققت بفضل الله

3 : امنيه اتمنيتها وما تحققت : حكاتها قبل اني ازور مكه

4 : اجمل رحله قمت بها : هي مو رحله وحده بس هي رحل المدرسه كلهم كانت عندي حلوات كتير

5 : خبر فرحت بسماعه : والله بصراحه احلى خبر بحب اسمعه دايما هو نجاحي بشي تعبت في تحقيقه كتير

6 : عضو برتاحله : بصراحه انا ارتحت لكل الاعضاء الي هون وبعتبرهم متل اخواني واكتر

7 : عضو حزنت لفراقه : والله لسه ما جربت هاد الشي ويا ريت ما اجرب لاني بكره الفراق

8 : اجمل هديه حصلت عليها : بعتبر وجودي مع احلى الناس واعزهم عندي اجمل هديه بتهديني اياها هاي الحياة

9 : موقف محرج : والله مرة وانا نازله على بيتنا كنت حامله قنيه كولا وللاسف انفرط الكيس ووقعت مني ومن هبلي رحت لحقتها والمصيبه كانو كل الي بالطريق يضحكو وبصراحه حرمت اشتري اشي وانا نازله على الدار


10 : ماذا تحب بالدنيا : والله انا بعتبر احلى شي بالدنيا والي مخلينا نستحمل بلويها هو الصداقه لانو الصديق بشيل عنك شوي من همومك وما بتركك لوحدك

11 : ماذا يحزنك : الي بخليني احزن كتير هو لما اتعب عشان حدا واقدمله كل شي بقدر عليه ولما اجي اطلب منو طلب بقطع ايدو وبشحد عليها


12 : اجمل اسم من الاناث انا بحبو هو اسم رهف

13 : اجمل اسم من الذكور : هههههههههه والله بصراحه انا بحب اسم يحيى بس اوعى يكبر راسك خيو يحيى ههههههههههههه وكمان اسم محمد حلو كتير بكفي انو اسم الرسول صلى الله عليه وسلم

14 : اجمل شهور السنه : شهر رمضان

15 : اجمل فصول السنه : احلى شي الشتاء

16 : اجمل مراحل عمري : على ما اعتقد عمري الي انا في هلاء

17 : اين تجد اسراري : والله لازم تروح ادور على صاحبتي الاء وتسئلها عن اسراري لانو كل شي عندها

18 : لمن تشكي همومك : لصاحباتي ومرات يعني احيانا لاختي

19 : كلمه اخيره : يعني كلمه اخيره بحكيلك اياها انا هي هي هي شكرا على اسئلتك

20 : نصيحه : بوجها للكل هاي النصيحه انو عمرك ما تندم على قرار اختو وانت مقتنع فيه ودايما خليك كل ساعه زي ما بدها هاي الساعه

21 : ما رائيي بمنتدى دمار الحب : اجمل منتدى بشارك فيه

22 : اعضاء منتدى دمار الحب : والله كلهم حلوين ومميزين وامورين

23 : التخصص انا لسة طالبة بس ازا بدك بحكيلك تخصص اختي وهو جغرافية

24:الهواية : القراءة

25: حكمتي المفضلة هي :ان لم تكن ذئبا اكلتك الذئاب وكمان كمان حكمة : ما كل طير طار وارتفع الا كما طار وقع



مشكوووووووور خيو يحيى على مرورك واسئلتك الحلوة

هلا حياتي عزاب وبسم الله نبدا الرد على اسئلتك :


ما هو اكثر تصرف يزعجك من الاعضاء : واللع اعضاء دمار الحب ما بينزعل منهم بالمره لانهم احلى اعضاء واروعهم والله

هل تحب الوحده : اها بحب الوحده كتير

اعطي لنفسك نسبه مؤيه لكل من :

ذكائك : بعطي ذكائي نسبه90 % على ما اظن

سعادتك : بعطيها 50 % يعني

حزنك : 95 % لاني ما بقدر اعيش من دون حزن


ايجابياتك : 75 % تقريبا

سلبياتك : 42 % تقريبا

علاقتك باصدقائك : 95 % منيحه كتير

علاقتك بالعائله : 96 % منيحه والحمد لله

خبرتك بالحياه : 20 % قليله

الصحه : 85 % الحمد لله على كل حال

التفائل :80 %

التشائم : 75 %

الطيبه : هاي ما قستها والله

العصبيه : 90 % كتير

الوحده :99%


شكرا على الاسئله الحلوة بس بدي احكي شي انو هاي النسب مو اكيده لاني مو انا بقرر الناس الي بعيش معهم بقررو نسبه هاي الاشيء شكرا كمان مرة

[b] مرحبا اختي كيفك تمام ان شاء الله
ازا ما في مانع بدي اسئلك 5 اسئله
1- ما هو السبب الى التسجيل في اسم زهرة البنفسج
؟؟؟؟؟
2- ما هي الاكله المفضله لديكي
؟؟؟؟؟؟
3- لفتت الى طموحاتك وزيرة تربيه وتعليم لماذا التربيه والتعليم خصوصا
؟؟؟؟؟ظ
ما هو رايك في الخيانه سؤال محرج شوي
؟؟؟؟
4- معدلك الدراسي
؟؟؟؟؟
هل تحبي اخوكي اكتر وله اختك سامحيني ازا احرجتك
؟؟؟؟؟؟؟؟
5- ما هو رايك في المنتدي في كل صراحه
؟؟؟؟
وشكرا الك كتير اخوكي المخلص ابو زياد

هلا عاشقه القمر فيكي وفي اسئلتك والله الكرسي حلو ما بو شي


1 : ما هي الحياه : الحياه حلوة كتير بس للاسف قلال الي بفهموها

2 : ما هو المسلسل المفضل : باب الحارة

3 : الممئل المفضل : وائل شرف يعني معتز الي في باب الحارة وكمان في نورهان اسعد


4 : المشروب المفضل : الكولا

5 : احب الاسماء سبق وذكرتهم الولد : يحيى ومحمد و البنت : رهف

6 : ما هو جوالك : والله انا بالاصل ما في عندي جوال

7 : اصعب كلمه بقولها لاي شخص : لما احكي اسفه على شي كنت صريحه لما حكيتو

8 : اكتر شي يخليكي تعصبي : والله بعصب لما اتفاجئ بشي ما كان متوقع يصيرلي ابدا يعني شي مو منيح مو شي حلو

9 : كلمه اوجها الك : الله يوفقك بحياتك العلميه والعمليه


مشكورة على اسئلتك الحلوة

هلا خيو ابو زياد انا تمام الحمد لله

لا ولو اسئل متل ما بدك انت بتمون خيو ولو

1 : ما هو سبب تسجيل باسم زهرة البنفسج : والله بصراحه مو انا الي اخترت هادا اللقب اختي الي سجلت هون

2 : الاكله المفضله هي المعكرونه اممممممممممممم

3 : ههههههههههه والله شوف انا رح احكيلك بصراحه انا من اول ما فتت على المدرسه وانا بكره الانجليزي فصار امنيه حياتي اصير وزيرة تربيه وتعليم عشان احذف هاي الماده بس يا حسره ما بظن احقق هالطموح

4 : ما هو رايك بالخيانه : الخيانه كلمه كبيرة وصعبه وناتائجها وخيمه جدا

5: المعدل الدراسي :والله اول امبارح اخدت الشهادة والحمد لله طلع معدلي 95 والحمد والشكر لله

6 : والله احراج عن جد بس معلش رح اجاوبك يا اخوي كل واحد الو معزة خاصه عندي بس انا برتاح لخواتي البنات اكتر بس مو يعني هاد اني ما بحب اخوتي الشباب بس يعني برتاح مع البنات اكتر

7 : والله انو احلى منتدى بشوفو سواء بمواضيعو ولا اعضاءو ولا مشرفين كلهم حلوين كتير



انا الي بشكرك على اسئلتك الحلوة